நடிகை ராணி முகர்ஜி தனது காதலர் ஆதித்யா சோப்ராவை இரகசிசயமாக திருமணம் செய்து கொண்டார். நடிகை ராணி முகர்ஜி, மறைந்த பிரபல இயக்குனரும், தயாரிப்பாளருமான யஷ் சோப்ராவின் மூத்த மகன் ஆதித்யா சோப்ராவை காதலித்து வந்தார்.
ஆதித்யா ஏற்கனவே திருமணமாகி மனைவியை பிரிந்தவர். ஆதித்யாவும், ராணியும் காதலித்தது பொலிவுட் அறிந்த கதை. ஆதித்யாவும், ராணியும் தங்கள் காதலை பல ஆண்டுகளாக இரகசியமாக வைத்திருந்தனர்.
அவர்களை பொறுத்த வரை தான் அது இரகசியம். ஆனால் பொலிவுட்டில் அனைவருக்கும் அவர்கள் விவகாரம் பற்றி தெரியும். யஷ் சோப்ரா மறைவுக்கு பிறந்த நடந்த நிகழ்ச்சியில் கலந்து கொண்ட நடிகர் சத்ருகன் சின்ஹா மேடையில் பேசுகையில் ராணியை ராணி சோப்ரா என்று அழைத்தார். அது ராணிக்கு பெரும் அதிர்ச்சியாக இருந்தது.
ராணியும், ஆதித்யாவும் ஏற்கனவே திருமணம் செய்து கொண்டதாகவும் ராணியின் மார்க்கெட் பாதிக்காமல் இருக்க அதை வெளியே தெரிவிக்காமல் இருப்பதாகவும் பொலிவுட்டில் பேச்சு அடிபட்டது. ஆதித்யா, ராணி முகர்ஜி எப்பொழுது தான் திருமணம் செய்து கொள்வார்களோ என்று பொலிவுட்டில் பலரும் கேட்கத் தொடங்கிவிட்டனர்.
இத்தனை நாட்களாக இழுத்தடித்த ஆதித்யாவும், ராணியும் ஒருவழியாக நேற்றுமுன்தினம் இரவு இத்தாலியில் இரகசியமாக திருமணம் செய்து கொண்டுள்ளனர். இந்த நிகழ்ச்சியில் நெருங்கிய உறவினர்களும், நண்பர்களும் கலந்து கொண்டுள்ளனர்.
