அமெரிக்க நகரமொன்றின் மேயராக நாய் ஒன்று மீண்டும் தெரிவுசெய்யப்பட்டுள்ளது. மினசோட்டா மாநிலத்தின் கோர்மரன்ட் எனும் நகரில் கௌரவ மேயராக மேற்படி நாய் தெரிவுசெய்யப்பட்டது.
கோர்மரன்ட் நகரில் நடைபெறும் வருடாந்த விழாவொன்றில் இத் தெரிவு மேற்கொள்ளப்படுகிறது. ஒரு டொலர் கட்டணம் செலுத்தும் எவரும் இதற்கான தேர்தலில் வாக்களிக்க முடியும்.
கடந்த வார இறுதியில் நடைபெற்ற தேர்தலில் டியூக் எனும் நாய் மீண்டும் வெற்றி பெற்றது. 9 வயதான இந்நாய் மூன்றாவது தடவையாக மேற்படி நகரின் கௌரவ மேயராக தெரிவுசெய்யப்பட்டுள்ளமை குறிப்பிடத்தக்கது. முதல் தடவையாக 2014 ஆம் ஆண்டு இந் நாய் வென்றது.