பேஸ்புக் நிறுவனம் அண்மைக் காலமாக தொடர்ச்சியாக பல்வேறு புதிய அம்சங்களை அறிமுகம் செய்து வருகின்றது. இந்நிலையில் தற்போது மற்றுமொரு வசதியினை அறிமுகம் செய்ய தீர்மானித்துள்ளது.
டெக்ஸ்டாப் அல்லது லப்டொப் கணினிகளுக்காக அறிமுகமாகும் இந்த வசதியானது தற்போது பரிசோதனை நிலையிலேயே காணப்படுகின்றது.
Pop-Out எனப்படும் இவ் வசதியானது பேஸ்புக்கினை ஒருவர் பயன்படுத்தும்போது நண்பர்களால் மேற்கொ்ளளப்படும் பதிவுகளை மற்றுமொரு சிறிய விண்டோவில் தோற்றுவிப்பது ஆகும்.
இதன் காரணமாக நண்பர்களின் பதிவுகளை உடனுக்கு உடன் பார்க்க முடிவதுடன், தவற விடும் வாய்ப்புக்களும் மிகக் குறைவாக இருக்கும்.
இதேவேளை பின்னணியில் வழமையான பேஸ்புக் பக்கம் காணப்படுவதுடன் Pop-Out விண்டோவை இல்லாமல் செய்யும் (Close) வசதியும் காணப்படுகின்றது.
எவ்வாறெனினும் இவ் வசதியானது பயனர்கள் மத்தியில் எவ்வாறான வரவேற்பைப் பெறும் என்பதை பொறுத்திருந்துதான் பார்க்க வேண்டும்.
