24 மணி நேரத்தில் 27 முறை மாரடைப்பு ஏற்பட்ட நிலையில், ஒருவர் அதிசயமாக உயிர் பிழைத்த சம்பவம் ஒன்று லண்டனில் பதிவாகியுள்ளது. சர்வதேச ஊடகங்கள் வெளியிட்டுள்ள செய்தியில் இந்த விடயம் தெரிவிக்கப்பட்டுள்ளது.
54 வயதான Ray Woodhall என்பவரே இவ்வாறு அதிஷ்டவசமாக உயிர் பிழைத்துள்ளார். சம்பவம் இடம்பெற்ற அன்று Ray Woodhallக்கு மாரடைப்பு ஏற்பட்டுள்ளது.
உடனடியாக வைத்தியசாலையில் அனுமதிக்கப்பட்ட அவர் தீவிர சிகிச்கைக்கு உட்படுத்தப்பட்டார். எனினும், அவருக்கு தொடர்ந்தும் மாரடைப்பு ஏற்பட்டுக்கொண்டே இருந்துள்ளதாக தெரிவிக்கப்படுகின்றது.
24 மணி நேரத்தில் அவருக்கு 27 முறை மாரடைப்பு ஏற்பட்டுள்ளதாக தெரிவிக்கப்படுகின்றது. இருந்தும் அவர் உயிர் பிழைத்துள்ளதாகவும், இது ஒரு அதிசயமான நிகழ்வு என வைத்தியர்கள் குறிப்பிட்டுள்ளனர்.
