ஸ்மார்ட்போனை திருடுபவர்கள் அதை எளிதாக அன்லாக் செய்யும் முறையை பற்றி ஆய்வாளர்கள் கண்டறிந்துள்ளனர். உலகளவில் ஸ்மார்ட்போன்களின் எண்ணிக்கை அதிகரித்து வருகிறது.
ஸ்மார்ட்போன் பயன்பாட்டாளர்கள் தங்கள் ஸ்மார்ட் போனைப் பாதுகாக்க பேட்டர்ன் லாக் மற்றும் நம்பர் லாக் என இருவகையான பாதுகாப்பு அம்சங்களை பயன்படுத்துகின்றனர்.
இப்படி லாக் ஆன போன்களை திருடுபவர்கள் அதை அன்லாக் செய்ய புதிய யுக்தியை கையாளுகின்றனர். அதாவது, கைகளைப் பயன்படுத்தி அன்லாக் செய்யும்போது போனின் திரையில் கைகளின் வெப்பம் சுமார் 30 விநாடிகளுக்கு நீடிக்கும்.
இந்த நேரத்தில், ஸ்மார்ட்போன் திரையை தெர்மல் கமரா மூலம் திருடர்கள் புகைப்படமாகப் பதிவு செய்கின்றனர்.
அதை பயன்ப்படுத்தி பேட்டர்ன் மற்றும் ரகசிய குறீயீட்டு எண்களை திருடர்கள் அறிந்துகொள்வதாக ஆராய்ச்சியாளர்கள் கண்டறிந்துள்ளனர்.
