தன்னுடைய 96 வயது அம்மாவை மகிழ்விப்பதற்காக கடந்த 14 வருடங்களாக, 74 வயதாகும் மகன் ஒவ்வொரு வார இறுதியிலும் பெண்ணாக மாறும் விசித்திர நிகழ்வு சீனாவில் இடம்பெற்று வருகின்றது.
சீனாவைச் சேர்ந்த 74 வயதான லி யிங்லாய், என்பவர் கடந்த 14 வருடங்களாக, வார இறுதி நாட்களில் பெண்கள் அணியும் உடைகளை அணிந்து, பெண்களைப் போல் பாவனை செய்து, அந்நாட்டு குன்மிங் பகுதியிலுள்ள கிரீன் லேக் பூங்காவில் நடனமாடி, சுற்றுலாப் பயணிகளை மகிழ்வித்து வருகிறார்.
செயற்பாடு குறித்து கருத்து தெரிவித்துள்ள லி யிங்லாய், தனது அம்மாவுக்கு இரண்டுமே ஆண் குழந்தைகளாக பிறந்ததால், ஒரு பெண் குழந்தை வேண்டும் என கருதி, லி யிங்லாய்வின் சிறு வயதில் அவருக்குப் பெண் குழந்தைகளுக்கான உடைகளைப் அணிவித்து அழகுபார்த்துள்ளார்.
இந்நிலையில் லி யிங்லாய் வளர்ந்தவுடன், பெண்களின் உடையை அணிவதற்கு மறுப்பு தெரிவிக்கவே, அவரது தாய் மிகவும் வேதனையுற்றுள்ளார். இந்நிலையில் அவரது தாய் மீதிருந்த அளவற்ற பாசம் மற்றும் மரியாதை காரணமாக, தாயின் ஆசையை உதாசீனம் செய்யாமல் அவரை மகிழ்ச்சியாக வைத்துக்கொள்ள தனது 60ஆவது வயதில் முடிவு செய்து, கடந்த 14 வருடங்களாக பெண்ணைப்போல் உடையணிந்து பாவனை செய்து வருவதாக தெரிவித்துள்ளார்.
மேலும் அவரது தாய் மிகவும் மகிழ்ச்சி அடைந்த நிலையில், அதிக அலங்காரம் செய்து வீட்டிலேயே ஏன் இருக்கவேண்டுமென கருதி, அவர் அருகிலுள்ள பூங்காவில் சென்று ஆடிப் பாடி படி பார்வையாளர்களை மகிழ்விப்பதாகவும், அவருடைய அலங்காரங்களை இன்று வரை அவரது தயார்தான் செய்வதாக சர்வதேச ஊடகங்கள் தகவல் பகிர்ந்துள்ளமை குறிப்பிடத்தக்கது.
