தானா சேர்ந்த கூட்டம் படப்பிடிப்பின் போது, நகைச்சுவை நடிகர் செந்திலின் பிறந்தநாளை கேக் வெட்டி கொண்டாடி அவருக்கு இன்ப அதிர்ச்சி கொடுத்துள்ளனர் படக்குழுவினர்.
சிங்கம் 3 படத்தைத் தொடர்ந்து சூர்யா தற்போது விக்னேஷ் சிவனின் இயக்கத்தில் உருவாகும் ‘தானா சேர்ந்த கூட்டம்’ படத்தில் நடித்து வருகிறார்.
சூர்யாவிற்கு ஜோடியாக கீர்த்தி சுரேஷ் நடிக்கின்றார். இப்படத்திற்கு அனிருத் இசையமைக்கிறார்.
பிரபல நகைச்சுவை நடிகர் செந்தில் இப்படத்தின் மூலம் தமிழ் சினிமாவில் ரீ-என்ட்ரி ஆகின்றார். நேற்று (23) செந்திலின் 66 ஆவது பிறந்தநாள்.
இதனைக் கொண்டாட படக்குழுவினர், செந்திலின் பிரபல வாழைப்பழக் காமடியை நினைவுகூரும் விதமாக இரண்டு வாழைப்பழங்கள் இருப்பதைப்போன்று கேக் ஒன்றை வரவழைத்திருந்தனர்.
செந்தில் தனது பிறந்தநாளை வாழைப்பழ கேக் வெட்டிக் கொண்டாடினார்.
