சேறு பூசப்பட்ட ஆடம்பர ஜீன்ஸ்!!

356


ஜீன்ஸ் ஆடைகளில் துணி தேய்ந்ததைப் போல், கிழிந்ததைப் போல் இருப்பதெல்லாம் பெஷனாக இருப்பது தெரியும். இப்போது சேறு அப்பியதைப் போன்று காணப்படும் ஜீன்ஸ்களும் அறிமுகமாகியுள்ளன.



ஆமெரிக்காவைத் தளமாகக் கொண்ட நோர்ட்ஸ்ட்ரோம் (Nordstrom) எனும் ஆடை வடிவமைப்பு நிறுவனம் இந்த ஜீன்ஸ்களை வடிவமைத்துள்ளது.

இந்த ஜீன்ஸ்களைப் பார்த்தால் அது அடர்த்தியாக சேறு அப்பியதைப் போன்று காணப்படும், ஆனால், அவற்றில் இருப்பது உண்மையான சேறு அல்ல.



போலியான சேறுதான். அதிக விலையுள்ள ஆடம்பர ஜீன்ஸ் இது. இந்த ஆடை அணிந்திருப்பவரைப் பார்த்தால் சேறு நிறைந்த இடத்தில் வேலை செய்துவிட்டு வருபவரைப் போன்று தென்படுவார்.



போர்த்துக்கலில் தயாரிக்கப்பட்ட இந்த ஜீன்ஸ் விலை 425 டொலர்கள் (சுமார் 65,000 இலங்கை ரூபா) என அறிவிக்கப்பட்டுள்ளது.


இந்த சேற்று ஜீன்ஸ் வடிவமைப்புக்கு சிலர் ஆட்சேபம் தெரிவித்துள்ளனர். இது தொழிலாளர்களை மலினப்படுத்தும் நடவடிக்கை என சிலர் விமர்சிக்கின்றனர்.