ஐ.பி.எல் கிரிக்கெட் தொடரில் 100 போட்டிகளில் வென்று சாதித்த மும்பை இந்தியன்ஸ்!!

டி20 கிரிக்கெட் போட்டிகளில் இதுவரை 100 போட்டிகளில் வென்ற ஒரே அணி என்ற பெருமையை ஐபிஎல் தொடரில் இடம்பெற்றுள்ள மும்பை இந்தியன்ஸ் அணி பெற்றுள்ளது.

இந்தியாவில் நடைபெற்று வரும் ஐபிஎல் தொடரில் ஆரம்பம் முதல் இப்போது வரை பத்து தொடர்களில் விளையாடி வரும் அணிகளில் ஒன்று மும்பை இந்தியன்ஸ்.

நேற்று நடைபெற்ற கொல்கத்தா அணிக்கு எதிரான ஆட்டத்தில் வென்ற அந்த அணி புதிய சாதனை ஒன்றை நிகழ்த்தியுள்ளது

மும்பை அணியின் நேற்றைய வெற்றி டி20 போட்டிகளில் அந்த அணி பெற்ற 100வது வெற்றியாகும். அந்த அணி மொத்தம் 176 போட்டிகளில் விளையாடியுள்ளது.

கடந்த இரண்டு ஆண்டுகளாக தடைக்கு உட்பட்டு விளையாடாத சென்னை சூப்பர் கிங்ஸ் அணி 156 போட்டிகளில் 94 போட்டிகளில் வென்று இரண்டாவது இடத்தில் உள்ளது.

ஐபிஎல் தொடரில் ஆடும் மற்றொரு அணியான கொல்கத்தா அணி இந்த பட்டியலில் 85 வெற்றிகளுடன் 5வது இடத்தில் உள்ளது.

இங்கிலாந்தில் நடக்கும் லீக் தொடரில் ஆடும் இரு அணிகள் மூன்றாவது மற்றும் நான்காவது இடத்தைப் பெற்றுள்ளன.