உலகின் பிரபல இசை கோப்பு வடிவமான MP3 (Format) விரைவில் நிறுத்தப்படுமென அதனை உருவாக்கியவர்களால் அறிவிக்கப்பட்டுள்ளது.
கடந்த இரண்டு தசாப்தங்களாக பயன்பாட்டில் இருந்து வரும் MP3 கோப்பு வடிவம் குறைந்த மெமரியில் பாடல்களை வழங்கி வந்தது.
இந்நிலையில், நிதியுதவி வழங்கி வந்த ஜெர்மனியைச் சேர்ந்த ஆய்வு மையம் MP3க்கான உரிமத்தை நிறுத்திக்கொள்வதாக அறிவித்துள்ளது. அத்துடன், MP3 சார்ந்த சில காப்புரிமைகள் துண்டிக்கப்படும் எனவும் தெரிவித்துள்ளது.
பாடல் பதிவுகளுக்கு MP3 பிரதான வடிவமாக இருந்தாலும், இன்றைய காலத்தில் பல்வேறு இதர வடிவங்கள் சிறப்பான ஒலி அனுபவத்தை வழங்கி வருகின்றன.
இன்றைய பல்வேறு சாதனங்களும் அட்வான்ஸ்ட் ஓடியோ கோடிங் (AAC) வடிவத்தைப் பயன்படுத்தி வரும் நிலையில், MPEG-H எனும் புதிய Audio Format இனை உருவாக்க திட்டமிடப்பட்டு வருவதாக தெரிவிக்கப்பட்டுள்ளது.
இவ்வகை வடிவம் குறைந்த மெமரியில் சிறப்பான ஒலி அனுபவத்தை வழங்கும் என தெரிவிக்கப்பட்டுள்ளது.
இன்றளவும் பிரபலமாக இருந்து வரும் MP3 வடிவம், 1980 மற்றும் 1990களில் வடிவமைக்கப்பட்டு அவை ஓடியோ ஃபார்மேட்களின் நிலையான ஒன்றாக இருந்து வருகிறது.
அப்பிளின் iPad களில் 2001 முதல் பிரபலமாக இருந்து வரும் MP3 அனைவராலும் பயன்படுத்தக்கூடிய ஒன்றாக இருந்து வருவது குறிப்பிடத்தக்கது.
