இணையவாசிகள் தற்போது அதிகம் தரவிறக்கம் செய்யும் குறுஞ்செய்தி செயலியாக ‘சரஹா’ (Sarahah ) மாறியிருக்கிறது. இதன் மூலம் யாரும் யாருக்கும் அநாமதேய தகவல்களை அனுப்ப முடியும்.
சரஹா மெசஞ்சர் அப் 2016 ஆம் ஆண்டிலேயே உருவாக்கப்பட்டிருந்தாலும் இணையவாசிகள் மத்தியில் தற்போது தான் பிரபலமடைந்திருக்கிறது.
ஃபேஸ்புக் மற்றும் ட்விட்டர் போன்ற சமூக ஊடகங்கள் மூலமாகவே ‘சரஹா’ அறியப்பட்டு, தரவிறக்கம் செய்யப்படுகிறது.
“ஆக்கப்பூர்வமான, அநாமதேயக் கருத்துகளின் மூலம் மக்களை சுய வளர்ச்சிக்கு ஆட்படுத்தும் செயலி சரஹா” என சுயவிபரக் குறிப்பில் தன்னைப் பற்றி சரஹா கூறியிருக்கிறது.
‘சரஹா’ செயலியைப் பயன்படுத்துவது மிகவும் சுலபம். யார் வேண்டுமானாலும் உங்களின் ‘சரஹா’ பக்கத்தைப் பார்க்க முடியும்; குறுஞ்செய்தியை அனுப்ப முடியும். இதற்காக அவர்கள் தங்களின் அடையாளத்தை வெளிப்படுத்த வேண்டியதில்லை. தங்களை அடையாளப்படுத்திக்கொள்ள விரும்பும் நபர்கள், தம் பெயரை வெளிப்படுத்தவும் முடியும்.
செய்திகளைப் பெறும் பயனர்களின் இன்பொக்ஸில் மற்றவர்கள் அனுப்பிய செய்திகள் நிறைந்திருக்கும். அவற்றுக்கு நீங்கள் பதிலளிக்கலாம். முக்கியக் குறியிட்டு வைத்துக் கொள்ளலாம் அல்லது நீக்கியும் விடலாம்.
iOS மற்றும் அன்ட்ரொ ய்ட் இயங்குதளம் மூலம் ‘சரஹா’ செயலியைப் பயன்படுத்த முடியும். தற்போது ஆங்கிலம் மற்றும் அரபு மொழிகளில் மட்டுமே ‘சரஹா’ செயற்படுகிறது
