இலங்கை வான்படையின் 60 ஆண்டு நிறைவையொட்டி வவுனியா வான்படை தளத்தில் MINI TATOO-2017 என்னும் கண்காட்சி மற்றும் சாகச நிகழ்வுகள் கடந்த 01.9.2017 வெள்ளிகிழமை தொடக்கம் மூன்று நாட்கள் இடம்பெற்று வந்தன .
இறுதி நாளான நேற்றைய தினம் வவுனியாவின் பலபகுதிகளிலிருந்தும் பல்லாயிரக்கணக்கான பொதுமக்கள் கலந்து கொண்ட மேற்படி நிகழ்வில் வான் வெளியில் விமானபடியினரின் பிசி விமானங்கள் மற்றும் உலங்குவானூர்திகள் மற்றும் பரசூட் வீரர்களின் சாகச நிகழ்வுகளும் அனர்த்தங்களின் போது மீட்பு நடவடிக்கைகள் எவ்வாறு மேற்கொள்ளபடுகின்றது போன்றவற்றையும் விமானபடையினர் பொதுமக்களுக்கு செய்து செய்து காட்டிய நிகழ்வுகளும் இடம்பெற்றது .
மேலும் வான்கலங்கள் வான்ரா கண்காணிப்பு ராடர் போன்றவற்றின் தொழில்நுட்ப ரீதியான விளக்கங்களும் வீட்டு தோட்டம் செய்யும் முறை உட்பட பெருமளவான அறிவியல் சார் விடயங்களும் வான்படையினரால் காட்சிபடுத்தப்பட்டிருந்தது.