வடகொரியாவை ஒட்டு மொத்தமாக அழித்துவிடுவோம் என்று அமெரிக்கா மிரட்டல் விடுத்துள்ளது.
வடகொரியா தொடர்ந்து கண்டம் விட்டு கண்டம் பாயும் ஏவுகணை சோதனைகளை மேற்கொண்டு வருகிறது. இதனால் அமெரிக்கா உட்பட பல்வேறு நாடுகள் வடகொரியாவின் செயலுக்கு கண்டனம் தெரிவித்து வருகின்றன.
அதுமட்டுமின்றி வடகொரியாவின் இந்த செயல்களை ஒடுக்கும் வகையில் அந்நாட்டின் மீது பொருளாதார தடை விதிக்கப்பட்டது.
ஆனால் அதையும் மீறி வடகொரியா சமீபத்தில் ஜப்பானை நோக்கி ஏவுகணை சோதனை ஒன்றை மேற்கொண்டது. இதையடுத்து அமெரிக்காவை சம்பலாக்கிவிடுவோம் என்று வடகொரியா எச்சரிக்கை விடுத்திருந்தது.
இந்நிலையில் வடகொரியாவின் இந்த அச்சுறுத்தல்களை அமெரிக்கா சமாளிக்க முடியும் என்று டிரம்ப் நேற்று தெரிவித்திருந்த நிலையில், இன்று மீண்டும் அமெரிக்கா வெளியிட்டுள்ள அறிக்கையில், வடகொரியா தனது செயல்களை நிறுத்திக்கொள்ளாவிடில் அந்நாட்டையே அழித்துவிடுவோம் என மிரட்டல் விடுத்துள்ளது.
