இலங்கை அணி ஐக்கிய அரபு அமீரகத்திற்கு சுற்றுப்பயணம் மேற்கொண்டு 2 டெஸ்ட் போட்டிகள், 5 ஒருநாள் போட்டிகள் மற்றும் 3 டி20 போட்டிகள் கொண்ட தொடரில் விளையாடி வருகின்றது.
தொடர் தோல்விகளை சந்தித்து வந்த இலங்கை அணி, பாகிஸ்தான் அணியுடனான 2 டெஸ்ட் போட்டிகள் கொண்ட தொடரை 2-0 என்ற கணக்கில் வெற்றிபெற்று அசத்தியது.
இதையடுத்து நடந்த ஐந்து ஒருநாள் போட்டிகள் கொண்ட தொடரில் முதல் நான்கு போட்டிகளையும் பாகிஸ்தான் அணி வென்று 4-0 என்ற கணக்கில் முன்னிலையில் உள்ளது.
ஐந்தாவது மற்றும் இறுதிப் போட்டி இன்று 23ம் திகதி நடைபெறவுள்ளது. இப்போட்டியிலும் பாகிஸ்தான் அணி வெற்றி பெற்றால், இலங்கை அணி வயிட் வாஷ் செய்யப்படும்.
பாகிஸ்தான் தொடரை தொடர்ந்து இலங்கை அணி இந்த ஆண்டு தொடர்ந்து மூன்று முறை வயிட் வாஷ் செய்யப்பட்ட அணி என்ற நிலையை பெறும்.
இதற்கு முன் தென் ஆபிரிக்க அணிக்கு எதிரான தொடரில் இலங்கை அணி 5-0 என்ற கணக்கிலும், இந்திய அணிக்கு எதிரான தொடரில் இலங்கை அணி 5-0 என்ற கணக்கிலும் தொடரை இழந்திருந்தது குறிப்பிடத்தக்கது.
