பங்காளதேஷ் டெஸ்ட் கிரிக்கெட் அணியின் தலைவராக செயல்பட்டவர் முஷ்பிகுர் ரஹிம். இவரது தலைமையில் பங்காளதேஷ் கிரிக்கெட் வரலாற்று வெற்றிகளை பதிவு செய்தது. இவரது தலைமையில் பங்காளதேஷ் அணி இங்கிலாந்து, இலங்கை மற்றும் அவுஸ்திரேலிய அணிகளை முதன்முறையாக வென்றிருந்தது.
சமீபத்தில் பங்காளதேஷ் அணி தென்னாபிரிக்கா சென்றிருந்தது. இரண்டு போட்டிகள் கொண்ட டெஸ்ட் தொடரில் படுதோல்வியடைந்தது. மேலும் தலைவர் முஷ்பிகுர் ரஹிம் சிறப்பான வகையில் துடுப்பெடுத்தாடவில்லை.
இதனால் முஷ்பிகுர் ரஹிம் துடுப்பெடுத்தாட்டத்தில் கவனம் செலுத்தும் வகையில் அவரை தலைவர் பதவியில் இருந்து பங்காளதேஷ் கிரிக்கெட் சபை அதிரடியாக தூக்கியது.
அவருக்குப் பதிலாக சகலதுறை ஆட்டக்காரர் சஹிப் அல் ஹசனை தலைவராக நியமித்துள்ளது. சஹிப் அல் ஹசன் T20 அணி தலைவராகவும் செயல்படுகிறார் என்பது குறிப்பிடத்தக்கது.
