சிவாவின் இயக்கத்தில் வௌிவரவிருக்கும் ‘விசுவாசம்’ படத்தில் அஜித்குமார் இளமையான தோற்றத்தில் இருப்பதாகத் தெரிவித்து சமூக வலைத்தளங்களில் அவரின் புகைப்படமொன்று பகிரப்பட்டு வருகின்றது.
அண்மையில் வௌியான படங்களில் அஜித்குமார் இலேசான நரைத்த தாடியுடன் ”சால்ட் அண்ட் பெப்பர்” கெட்டப்பில் தோன்றினார்.
விசுவாசம் படத்திற்காக அவர் எடை குறைத்து, இளமையாகிவிட்டதாகக் கூறப்பட்டுள்ளது.
இந்நிலையில், விசுவாசம் படத்தில் அஜித் என்ன கதாப்பாத்திரத்தில் நடிக்கப்போகிறார் என்பதை அறிய ரசிகர்கள் ஆர்வத்துடன் உள்ளனர்.
இந்த படத்தில் வட சென்னை தாதா கதாப்பாத்திரத்தில் அவர் நடிப்பதாக தகவல் வெளியாகியுள்ளது.
வட சென்னை பகுதியில் நடக்கும் ரவுடிகள் மோதலை மையப்படுத்தி திரைக்கதை அமைந்துள்ளதாகக் கூறப்படுகிறது.
90 சதவீதம் படப்பிடிப்பு சென்னையிலேயே நடக்கிறது. அடுத்த மாதம் (ஜனவரி) 19 ஆம் திகதி படப்பிடிப்பை ஆரம்பித்து தீபாவளிக்கு படத்தை திரைக்குக் கொண்டுவர திட்டமிட்டுள்ளனர்.
இந்தப் படத்திற்கு கதாநாயகியாக அனுஷ்காவைத் தெரிவு செய்துள்ளதாகக் கூறப்படுகிறது
