தமிழ்நாட்டில் வினோத நோய் பாதிப்பு காரணமாக இளைஞர் ஒருவர் கடந்த 3 ஆண்டுகளில், இரண்டு அடி உயரம் குறைந்துள்ளார்.
சேலம் மாவட்டத்தில் உள்ள காமலாபுரம் பகுதியை சேர்ந்தவர் ரமேஷ். கட்டுமான தொழிலாளியான இவருக்கு திருமணமாகி 2 குழந்தைகள் உள்ளனர்.
இந்நிலையில், கடந்த சில ஆண்டுகளுக்கு முன் ரமேஷ் தமது உடலில் மாற்றத்தை உணர்ந்துள்ளார். சில மாதங்களில் அவரின் உடல் எடை குறைந்ததுடன், உயரமும் குறைந்துள்ளது.
இதுகுறித்து மருத்துவர்களிடம் அணுகியும் நோயை கண்டறிய முடியவில்லை. இது தொடர்பில் ரமேஷ் கூறுகையில், 21 வயது வரை எனது உடல்நிலை நன்றாக இருந்த நிலையில் அதன் பின்னரே மாற்றம் ஏற்பட்டுள்ளது. இந்த விநோத நோயை குணப்படுத்த அரசு எனக்கு உதவ வேண்டும் என கோரியுள்ளார்.
