நெல்லிக்காயில் ஏராளமான ஆரோக்கிய நன்மைகளை வாரி வழங்கும் விட்டமின்களும், கனிமச்சத்துக்களும் அதிகளவில் நிறைந்துள்ளன.
மலை நெல்லிக்காயை நமது அன்றாட டயட்டில் சேர்த்து வந்தால், உடல் ஆரோக்கியத்தை சிறப்பாக பேணி காக்க முடியும். மலை நெல்லிக்காயை அப்படியே அல்லது ஊறுகாய், ஜூஸ் போன்ற வடிவங்களிலும் உட்கொள்ளலாம்.
தினமும் ஒரு மலை நெல்லிக்காயை வெறும் வயிற்றில் சாப்பிடுவதால் கிடைக்கும் நன்மைகள்
இதயம் பலமாகும்
மலை நெல்லிக்காயில் உள்ள இயற்கை உட்பொருட்கள் இதய தசைகளை வலிமைப்படுத்துகிறது. இதில் உள்ள இரும்புச்சத்து, இரத்த சிவப்பணுக்களின் உற்பத்தியை தூண்டிவிட்டு தங்கு தடையின்றி இரத்த ஓட்டத்தை சீராக வைக்க உதவுகிறது.
கொழுப்பு
நெல்லிக்காயில் உள்ள பெக்டின் என்னும் உட்பொருள், கெட்ட கொழுப்பின் அளவைக் குறைத்து நல்ல கொழுப்பின் அளவை ஊக்குவிக்கிறது. இயற்கையாகவே விட்டமின் சி மற்றும் அமினோ அமிலங்கள் நெல்லிக்காயில் உள்ளதால் அது கொழுப்பின் அளவை பராமரிக்கும்.
இளமையாக இருக்க
முதுமைத் தோற்றத்தைத் தரும் சரும சுருக்கங்கள், முதுமைக் கோடுகள் மற்றும் முதுமைப் புள்ளிகளைக் குறைக்கும் சக்தி நெல்லிக்காய்க்கு உள்ளது. எனவே எளிய வழியில் இளமையைத் தக்க வைக்க தினம் காலை ஒரு மலை நெல்லிக்காயை சாப்பிடலாம்.
நோய் எதிர்ப்பு
மலை நெல்லிக்காயில் உள்ள ஆன்டி-ஆக்ஸிடன்ட்டுகள் நோயெதிர்ப்பு சக்தியை ஊக்குவிக்கும். எனவே அடிக்கடி நோய்வாய்ப்படுபவர்கள், தினமும் ஒரு மலை நெல்லிக்காயை சாப்பிட்டு வர நோய் தாக்குதல்களில் இருந்து தப்பிக்கலாம்.
கண் பார்வை
மலை நெல்லிக்காய் கண்களில் உள்ள செல்களின் இயக்கத்தை மேம்படுத்தும் சக்தி கொண்டது. இதிலிருக்கும் ஆன்டி-ஆக்ஸிடன்ட் பண்புகள் கண்களில் இருந்து நீர் வடிதல், கண் அரிப்பு போன்றவற்றை தடுத்து பார்வையை கூர்மையாக்கும்.
சர்க்கரை நோய்
மலை நெல்லிக்காயில் உள்ள குரோமியம், உடலில் கார்போஹைட்ரேட் வளர்சிதை மாற்றத்தை சீராக்கி இன்சுலினை செயல்படச் செய்யும். இதன் விளைவாக சர்க்கரை நோய்க்கு முக்கிய காரணியான இரத்த சர்க்கரை அளவைக் குறைக்கும்.
பித்தக்கற்கள்
அதிகப்படியான கொழுப்புகள் பித்தப்பையில் சேர்ந்தால் அது கற்களாக உருவாகிறது. மலை நெல்லிக்காய் உடலின் கொழுப்பின் அளவைக் குறைத்து அதை பித்த அமிலமாக மாற்றி பித்தக்கற்கள் உருவாகும் அபாயத்தைக் குறைக்கிறது.
தலைமுடி வளர்ச்சி
ஒருவரது உடலில் வைட்டமின் சி குறைவாக இருந்தால் அவருக்கு தலைமுடியில் பிரச்சனைகள் ஏற்படும். இத்தகைய விட்டமின் சி மலை நெல்லிக்காயில் ஏராளமான அளவில் உள்ளதால் தினம் ஒரு மலை நெல்லிக்காயை சாப்பிட்டு வந்தால் தலைமுடி பிரச்சனை தீர்வதோடு, முடி வளர்ச்சியும் நன்றாக இருக்கும்
சரும ஆரோக்கியம்
நெல்லிக்காயில் உள்ள விட்டமின் சி மற்றும் இதர சத்துக்கள், சருமத்திற்கு நல்ல நிறத்தை தருகிறது. இதோடு மலை நெல்லிக்காய் சாப்பிடுவதன் மூலம் பல்வேறு வகையான சரும பிரச்சனைகள் குணமாகி சருமம் ஆரோக்கியமாக இருக்கும்.
சிறுநீரக பிரச்சனை
மலை நெல்லிக்காயை தினமும் சாப்பிட்டு வந்தால், அது உடலில் உள்ள நச்சு பொருட்களை சிறுநீரின் வழியே வெளியேற்றும். மேலும் கிருமிகளை அழித்து சிறுநீர் பாதையில் ஏற்படும் தொற்றுக்களையும் குணப்படுத்தும்.
