வவுனியா பூந்தோட்டம் நரசிங்கர் ஆலய பரிபாலன சபையின் ஏற்பாட்டில் முதியோர் தின விழா நரசிங்கர் ஆலய கலாச்சார மண்டபத்தில் நேற்று(06.11) நடைபெற்றது.
இன் நிகழ்வில் வடமாகாண சுகாதார அமைச்சர் வைத்திய கலாநிதி ப.சத்தியலிங்கம், வவுனியா நகரசபையின் செயலாளர் திரு.சத்தியசீலன், நகரசபையின் முன்னாள் நகரபிதா திரு.எஸ்.நாதன் உட்பட பல முக்கிய பிரமுகர்கள் கலந்து சிறப்பித்தனர்.
பூந்தோட்டம் மகாவித்தியாலய மாணவர்களின் பேண்ட் வாத்திய வரவேற்புடன் நிகழ்வுகள் ஆரம்பமாகின. பின்னர் பூந்தோட்டம் மகா வித்தியாலய மாணவர்களின் கலை நிகழ்வுகள் இடம்பெற்றன. மேலும் முதியோர் பலர் கௌரவிக்கப்பட்டனர்.
-சுகுமார்-