தமிழ் தேசிய இளைஞர் கழகத்தின் அனுசரணையில் இன்றையதினம் கோவில்குளம் இந்துக் கல்லூரியின் வருடாந்த இல்ல மெய்வல்லுனர் திறனாய்வு போட்டியின் பரிசளிப்பு விழாவிற்கான பரிசிப் பொருட்கள் அன்பளிப்பு செய்யப்பட்டது.
தமிழ் தேசிய இளைஞர் கழகத்தின் கனடா கிளையினரால் அன்பளிப்பு செய்யப்பட்ட அன்பளிப்பு பொருட்கள் இன்றைய தினம் பழைய மாணவர் சங்கத்தின் செயலாளர் திரு ந.நிமலன் அவர்களிடம் கழகத்தின் ஸ்தாபகரும், தமீழீழ மக்கள் விடுதலைக் கழகத்தின் வவுனியா மாவட்ட இணைப்பாளரும், வவுனியா நகரசபையின் முன்னாள் உப நகர பிதாவுமாகிய திரு க.சந்திரகுலசிங்கம்(மோகன்) அவர்களினால் கழகத்தின் உத்தியோகபூர்வ அலுவலகத்தில் வைத்து வழங்கி வைத்தார்.
கழகத்தின் ஸ்தாபகரின் 54 ஆவது பிறந்த தினத்தையொட்டி தமிழ் தேசிய இளைஞர் கழகத்தின் கனடா கிளையினரால் இப் பரிசுப் பொருட்கள் அன்பளிப்பு செய்யப்பட்டமை குறிப்பிடத்தக்கது.
இவ் நிகழ்வில் தமிழ் தேசிய இளைஞர் கழகத்தின் ஆலோசகர்களில் ஒருவரான திரு முத்தையா கண்ணதாசன், தமிழ் தேசிய இளைஞர் கழகத்தின் தலைவர் திரு சு.காண்டீபன், செயலாளர் திரு ஸ்ரீ.கேசவன், பொருளாளர் திரு த.நிகேதன், விளையாட்டு மற்றும் பன்முக வெளிக்கள செயற்பாடுகளுக்கு பொறுப்பான திரு ம.சஞ்சீவன், ஊடகப் பிரிவைச் சேர்ந்த திரு செ.சுகந்தன் இவர்களுடன் வவுனியா இந்துக் கல்லூரியின் உடற்கல்வி ஆசிரியர் திரு நிரஞ்சன், பழைய மாணவர் சங்கத்தின் பொருளாளர் திரு ஆர்.சுரேஷ்குமார் ஆகியோர் கலந்துகொண்டமை குறிப்பிடத்தக்கது.
