சர்வதேச ஒருநாள் கிரிக்கெட் போட்டிகளில் அதிக துடுப்பாட்ட வீரர்களை ஆட்டமிழக்கச் செய்த வீரர் என்ற சாதனையை இலங்கை அணியின் குமார் சங்கக்காரா நிலை நாட்டியுள்ளார்.
ஒரு விக்கெட் காப்பாளர் என்ற ரீதியில் இந்த சாதனை நிலை நாட்டப்பட்டுள்ளது. நியூசிலாந்துக்கு எதிரான போட்டியில் கொரி அன்டர்ஸனின் பிடியை எடுத்ததன் மூலம் இந்த சாதனை சங்கக்காரா தனதாக்கிக் கொண்டார்.
37 வயதான சங்கக்காரா ஒருநாள் சர்வதேச போட்டிகளில் 473 பேரை ஆட்டமிழக்கச் செய்திருக்கிறார். இவற்றில் 377 பிடிகள் மற்றும் ஸ்டம்பிங் முறையிலான 96 ஆட்டமிழப்புக்களும் உள்ளடங்கும்.
இதற்கு முன்பு அவுஸ்திரேலியாவின் முன்னாள் விக்கெட் காப்பாளர் அடம் கில்கிறிஸ்ட்டின் சாதனையை சங்கக்காரா முறியடித்தார் என்பது குறிப்பிடத்தக்கது.
