அமெரிக்காவின் ப்ளோரிடா மாநிலத்தின் கேப் கெனாவரல் ரொக்கெட் ஏவுதளத்திலிருந்து விண்வெளிக்கு செலுத்தப்பட்ட ரொக்கெட் புறப்பட்ட சில நிமிடங்களிலேயே நடுவானில் வெடித்துச் சிதறியதால் பெரும் பரபரப்பு ஏற்பட்டது.
ஸ்பேஸ் எக்ஸ் நிறுவனத்தின் தயாரிப்பான இந்த பால்கான் 9 ரொக்கெட், நேற்று மதியம் ஏவப்படுவது அந்நிறுவனத்தின் வலைதளத்தில் நேரடியாக ஒளிபரப்பப்பட்டுக் கொண்டிருந்தது. கவுண்ட் டவுண் முடிந்ததும் விண்ணில் சீறிப் பாய்ந்தது. ஆனால், எதிர்பாராத விதமாக ரொக்கெட்டின் முதல் பகுதி பிரிவதற்கு முன்பாகவே அது நடுவானில் வெடித்துச் சிதறியது. இதனால் நேரடி ஒளிபரப்பு கிட்டத்தட்ட 2 நிமிடங்கள் அமைதியானது.
அதற்குப் பின்னர் ரொக்கெட்டுடனான வீடியோ தொடர்பு செயலிழந்துவிட்டதாக ஸ்பேஸ் எக்ஸ் நிறுவனத்தின் செய்தி தொடர்பாளர் தெரிவித்தார்.
