தனியார் தொலைக்காட்சி மீது நடிகை புகார்!!

தனியார் தொலைக்காட்சி ஒன்றில் சொல்வதெல்லாம் உண்மை என்ற நிகழ்ச்சியை நடத்தியவர் நடிகை லட்சுமி ராமகிருஷ்ணன். இவர் நேற்று சென்னை போலீஸ் கமிஷனர் ஜார்ஜை சந்தித்து புகார் மனு ஒன்றை கொடுத்தார். பின்னர் அவர், நிருபர்களுக்கு அளித்த பேட்டியில் கூறியதாவது:-

நான் நடத்திய நிகழ்ச்சியில் கலந்துகொண்ட பெண்மணி ஒருவர் 25 வயதில் 8 முறை கருக்கலைப்பு செய்ததாக சொன்னார். என்னம்மா இப்படி பண்றீங்களேம்மா என்று கேட்டேன். அந்த வார்த்தை நான் நடத்திய நிகழ்ச்சியில் பிரபலமாகிவிட்டது. நான் 3 படங்களை இயக்கி இருக்கிறேன். 45 படங்களில் நடித்துள்ளேன்.

ஒரு தனியார் தொலைக்காட்சி என்னை கிண்டல் பண்ணும் விதமாக நிகழ்ச்சி ஒன்றை தயாரித்து வெளியிட்டது. தற்போது மீண்டும் அந்த நிகழ்ச்சியின் 2-ம் பாகத்தை வெளியிட இருக்கிறது. என்னை இழிவுபடுத்தும் வகையில் அந்த நிகழ்ச்சி தயாரிக்கப்பட்டுள்ளது. அந்த நிகழ்ச்சிக்கு தடை விதிக்கக்கோரி கமிஷனரிடம் மனு கொடுத்துள்ளேன். அவர் சில ஆலோசனைகளை தெரிவித்துள்ளார். உரிய நடவடிக்கை எடுப்பதாகவும் கூறி இருக்கிறார். இவ்வாறு அவர் தெரிவித்தார்.