விஸ்வரூபம்-2 படத்தினை தொடர்ந்து லிங்குசாமி தயாரிக்கும் படத்தினை இயக்கி நடிக்க திட்டமிட்டுள்ளார் கமல்ஹாசன்.
அவ்வை சண்முகி போன்று முழுநீள காமெடி படமாக உருவாகும் இப்படத்திற்கு உத்தம வில்லன் என தலைப்பு வைத்துள்ளனர்.
மேலும் இந்த படத்திற்கு கதை, வசனம் எழுத இருக்கிறார் கிரேஸி மோகன்.
முதல் முறையாக கமலுடன் கைகோர்க்கிறார் நடிகர் விவேக். படத்தின் தலைப்பு குறித்து பல தககவல்கள் வெளியாகியுள்ளன.
நகைச்சுவைப் படம் என்பதால் உத்தம வில்லன் என பெயர் சூட்டப்பட்டுள்ளதாக கூறப்படுகிறது.
இதற்கிடையே இப்படத்தில் கமலுக்கு ஜோடியாக காஜல் அகர்வால் நடிக்க இருக்கிறார் என்று பரபரப்பாக பேசப்பட்டது.
ஆனால் தற்போது காஜல் அகர்வால் நடிக்கவில்லையாம்.
ஜில்லா, ஆல் இல் ஆல் அழகுராஜா உட்பட சில தெலுங்குப் படங்களிலும் பிஸியாக நடித்துக் கொண்டிருப்பதால், கால்ஷீட் பிரச்னை வந்துவிட்டதாம்.
எனவே நடிக்க முடியாமல் போனதற்காக, கமலிடம் மன்னிப்பு கேட்டுள்ளாராம்.
இதனையடுத்து நாயகி மற்றும் பிற கலைஞர்கள் குறித்த அதிகாரப்பூர்வமான அறிவிப்பு விரைவில் வெளியாகும் என்று எதிர்பார்க்கப்படுகிறது.
