வவுனியா குருமண்காட்டில் விசித்திரமான முறையில் திருட்டுச் சம்பவம்!!

513


 
வவுனியா குருமன்காட்டுச் சந்திக்கு அருகாமையில் அமைந்துள்ள தனியார் அலுவலகம் ஒன்றில் விசித்திரமான முறையில் பொருட்கள் திருடப்பட்டுள்ளதாக வவுனியா குற்றத்தடுப்பு பொலிஸார் தெரிவித்தனர்.

வவுனியா குருமன்காட்டு சந்திக்கு அருகாமையில் அமைந்துள்ள தொழில்நுட்ப அலுவலகத்தில் நேற்றைய தினம் இனந்தெரியாத நபர்களினால் திருடப்பட்டுள்ளதாக வவுனியா பொலிஸ் நிலையத்தில் முறைப்பாடொன்று இன்று மேற்கொள்ளப்பட்டது.



சம்பவ இடத்திற்கு விரைந்த பொலிஸார் விசாரணைகளை மேற்கொண்ட சமயத்தில் வர்த்தக நிலையத்திலுள்ள கணணிகள், தளபாடங்கள், கதிரைகள், தொலைபேசிகள் என்பன திருடப்பட்டுள்ளதாகவும் வர்த்தக நிலையத்தின் கதவுகள் எவையும் உடைக்கப்படாமல் சாவி போட்டு கதவுகள் திறக்கப்பட்டு திருடப்பட்டுள்ளதாக ஆரம்ப கட்ட விசாரணைகளிலிருந்து தெரியவருவதாக பொலிஸார் தெரிவித்தனர்.

மேலதிக விசாரணைகளை வவுனியா குற்றத்தடுப்பு பொலிஸார் மேற்கொண்டு வருகின்றனர்.