சாதாரணப் பெண்களை விட புகைப்பிடிக்கும் பழக்கமுள்ள பெண்களுக்கு 19 வருடங்களுக்கு முன்னதாகவே மாரடைப்பு வர அதிக வாய்ப்புள்ளது.
ஈஸ்ட்ரோஜன் என்னும் ஹார்மோன் பெண்களுக்கு இருதய நோய் வராமல் பாதுகாக்கிறது. ஆனால், புகைப்பிடித்தல், நீரிழிவு, அசாதாரண இரத்தக் கொழுப்பு அமிலங்கள் ஆகியன இந்த பாதுகாப்பைத் தடுத்து இருதய நோய்களை ஏற்படுத்துகின்றன.
இந்நிலையில் சாதாரணப் பெண்களை விட புகைப்பிடிக்கும் பழக்கமுள்ள பெண்களுக்கு 19 வருடங்களுக்கு முன்னதாகவே மாரடைப்பு வர அதிகம் வாய்ப்புள்ளதாகக் கூறப்படுகிறது.
ஆண்களைவிட, பெண்களுக்கு மாரடைப்பு வரும்போது அதை தவறாக உணர்ந்துகொள்கிறார்கள். காரணம் பொதுவாகக் கூறப்படும் நெஞ்சு வலிக்கான அறிகுறிகள் பெண்களுக்கு வருவதில்லை.
பெண்களுக்கு காய்ச்சல் வந்ததைப் போல உடல் சோர்வோ, மூச்சுத்திணறலோ, குமட்டல்/வாந்தியோ அல்லது முதுகு, கை, தாடை ஆகிய ஒன்றில் வலியோ ஏற்படக்கூடும்.
38% பெண்கள் முதல் மாரடைப்பிலேயே உயிரிழக்கின்றார்கள் ஆண்களில் 25% பேர் மாத்திரம் முதல் மாரடைப்பில் உயிரிழக்கிறார்கள்.
