விண்வெளிக்கு அனுப்பப்பட்ட கார் பூமியின் மீது மோதலாம் : விஞ்ஞானிகள் தகவல்!!

515


சில நாட்களுக்குமுன் Space X என்னும் தனியார் விண்வெளி ஆராய்ச்சிக் கழகத்தின் தலைவரான Elon Musk விண்வெளிக்கு அனுப்பிய உலகின் முதல் காராகிய Tesla roadster தன்னுடன் ‘Starman’ என்று பெயரிடப்பட்ட ஒரு டம்மி மனிதனைச் சுமந்து கொண்டு வெற்றிகரமாக விண்வெளியைச் சென்றடைந்தது.



அந்தக் கார் விண்வெளியில் வலம் வருவதும் அதன் பின்னணியில் பூமி அழகாகத் தெரிவதும் காரினுள் பொருத்தப்பட்ட கமரா மூலம் படம் பிடிக்கப்பட்டு அந்த வீடியோ இணையதளங்களில் வைரலாக வலம் வந்தது.

Marsக்கு அனுப்பப்பட்ட அந்தக் கார் அதையும் தாண்டி Marsக்கும் Jupiterக்கும் நடுவே சென்று விட்டது.



தற்போது அந்தக் காரின் பாதையை கவனித்த விஞ்ஞானிகள் அந்தக் கார் பூமியின்மீது அல்லது Venusஇன் மீது மோதும் வாய்ப்பிருப்பதாகத் தெரிவித்துள்ளனர்.



ஆனால் அதற்கான வாய்ப்புகள் குறைவாக இருப்பதாகவும் அவர்கள் தெரிவித்துள்ளனர். பூமியில் மோதுவதற்கான 6 சதவிகித வாய்ப்பும் Venusஇல் மோதுவதற்கான 2.5 சதவிகித வாய்ப்பும் மட்டுமே உள்ளனவாம். அது மட்டுமில்லை, கார் மோதுவதற்கு மில்லியன் ஆண்டுகள் கூட ஆகலாம் என்றும் அவர்கள் தெரிவித்துள்ளனர்.


இன்னொரு முக்கிய விடயம், பூமியை நோக்கி வரும் கார் பூமியைத் தொடுவதற்குள் எரிந்து போகவும் வாய்ப்புகள் உள்ளனவாம்.

அடுத்தமுறை கார் பூமிக்கு அருகில் வரப்போவது 2091 ஆம் ஆண்டில் என்றும் விஞ்ஞானிகள் தெரிவித்துள்ளனர்.