தொப்பை, இடுப்பில் உள்ள தேவையற்ற சதையைக் குறைக்க ஒரே வழி : முயற்சி செய்து பாருங்கள்!!

942


இடுப்பு மற்றும் வயிற்றில் ஊளைச்சதைகள் அதிகமாக சிலருக்கு காணப்படும். அவற்றை எளிமையாக குறைக்க சில யோகா பயிற்சிகள் உள்ளது.



ஆனால் இந்த யோகா பயிற்சிகள் மற்ற பயிற்சிகளைப் போல் இல்லாமல் தினமும் தொடர்ச்சியாக செய்து வந்தால் நல்ல பலன் கிடைக்கும்.

பாதஹஸ்தாசனம்





இந்த யோகா பயிற்சியை நின்று கொண்டு செய்ய வேண்டும். நேராக நிமிர்ந்து நின்று, கைகளை தலைக்கு மேலாக உயர்த்தி, மூச்சை வெளியிட்டபடி முன்னோக்கி வளைய வேண்டும். இந்தப் பயிற்சியை தொடர்ந்து தவறமால் செய்து வந்தால் அடிவயிற்றில் சேர்ந்திருக்கும் கொழுப்புகள் குறையும்.


ஜானுசிரசாசனம்


இந்த யோகா பயிற்சியை அமர்ந்த நிலையில் செய்ய வேண்டும். ஒரு காலை மடக்கி வைத்துக் கொண்டு, ஒரு காலை நீட்டி, இரண்டு கைகளையும் தலைக்கு மேல் உயர்த்தி முன்னோக்கி வளைய வேண்டும்.

வளைந்து ஒரு கையால் இன்னொரு கையைப் பற்றிக் கொண்டு 30 விநாடிகள் அதே நிலையில் இருக்க வேண்டும். இதேபோல் இரண்டு பக்கமும் மூன்று முறை தொடர்ந்து செய்து வந்தால் தொப்பை குறையும்.

வனமுக்தாசனம்


இந்த யோகா பயிற்சியை படுத்த நிலையில் செய்ய வேண்டும். இரண்டு கால்களையும் கோர்த்துப் பிடித்து இயல்பான சுவாசத்தில் 30 விநாடிகள் என்று மூன்று முறைகள் செய்ய வேண்டும்.

தனுராசனம்

இந்த யோகா பயிற்சியை குப்புறப்படுத்துக் கொண்டு செய்ய வேண்டும். இரண்டு கால்களையும் மடித்து கைகளால் கோர்த்துப் பிடித்துக் கொண்டு இயல்பான சுவாசத்தில் 30 விநாடிகள் அப்படியே இருக்க வேண்டும். அதேபோல் மூன்று முறை தொடர்ந்து செய்து வந்தால் வயிற்றில் உள்ள தசைகள் வலிமையாகி கெட்ட கொழுப்புகள் குறையும்.

குறிப்பு

யோகா பயிற்சிகளை ஏற்கெனவே தெரிந்து வைத்திருப்பவர்கள், அவற்றை வீட்டிலேயே செய்யலாம். ஆனால், புதிதாக கற்றுக் கொள்பவர்கள் மட்டும் மருத்துவரின் ஆலோசனையைப் பெற்று முறையாக யோகா செய்வதே நல்லது.