தனது கணவர் தன்னை ஏமாற்றி உடல் ரீதியாகவும் மன ரீதியாகவும் துன்புறுத்தி வருவதாக இந்திய அணியின் வேகப்பந்து வீச்சாளர் முகமது ஷமியின் மனைவி பரபரப்பு குற்றச்சாட்டை கூறி உள்ளார்.
இந்திய கிரிக்கெட் அணியின் வேகப்பந்து வீச்சாளர் முமகது ஷமியின் மனைவி ஹஸின் ஜஹான் தனது பேஸ்புக்கில் முகமது ஷமியின் உறவினர்களின் புகைப்படங்கள் மற்றும் வீடியோவை தொடர்ச்சியாக பகிர்ந்து வருகிறார். இதில் ஷமி பல்வேறு பெண்கள் மற்றும் அவருடன் பேசிய அரட்டைகளை பகிர்ந்துள்ளார்.
இது குறித்து தனியார் செய்தி ஊடகத்திற்கு அளித்த பேட்டியில் எனது பகிர்வுகள் பனிப்போர் முனைதான். ஷமியின் நடவடிக்கைகள் கொடூரமானவை அவர் பல பெண்களுடன் உறவு வைத்துள்ளார் என குற்றஞ்சாட்டியுள்ளார்.
ஷாமியின் பிஎம்டபிள்யூ காரில் ஆண் கருத்தடை சாதனத்துடன் சேர்ந்து ஒரு தொலைபேசியைக் கண்டுபிடித்ததாக அவர் கூறி உள்ளார்.
மட்டுமின்றி ஷமி மற்றும் அவரது குடும்ப உறுப்பினர்கள் இரண்டு வருடங்களுக்கும் மேலாக தன்னை உடல் ரீதியாகவும் மனரீதியாக துன்புறுத்தியதாகவும் அவர் கூறியுள்ளார்.
அவர்களது குடும்பத்தினர் அனைவரும் என்னை சித்திரவதை செய்தனர், அவரது தாயும் சகோதரரும் என்னை துஷ்பிரயோகம் செய்தார்கள்.
காலை 2-3 மணி வரை சித்திரவதை தொடர்கிறது, அவர்கள் என்னை கொல்ல விரும்புகிறார்கள் என ஜஹான் குற்றஞ்சாட்டினார்.
