சீனாவில் தற்கொலைக்கு முயன்ற பெண்ணை தீயணைப்புத்துறை வீரர் உயிரை பணயம் வைத்து காப்பாற்றிய வீடியோ வைரலாகியுள்ளது.
நன்ஜிங் நகரில் உள்ள அடுக்குமாடி குடியிருப்பில் வசிக்கும் பெண் ஒருவர், 8-வது மாடியில் உள்ள தனது வீட்டின் ஜன்னலில் ஏறி உட்கார்ந்துக்கொண்டு, கீழே குதித்து தற்கொலை செய்துக்கொள்ளப் போவதாக மிரட்டல் விடுத்துள்ளார்
உடனடியாக அப்பகுதிக்கு விரைந்து வந்த காவல்துறையினரும், தீயணைப்புத்துறையினரும் பெண்ணுடன் பேச்சுவார்த்தை நடத்தியும் அவர் கீழே இறங்கவில்லை.
இதையடுத்து, அந்த பெண்ணின் வீட்டிற்கு மேல் தளத்தில் உள்ள வீட்டிற்கு சென்ற தீயணைப்பு வீரர் ஒருவர், அந்த வீட்டு ஜன்னல் வழியாக கயிறு கட்டி கீழ் தளத்தில் தற்கொலை மிரட்டல் விடுத்த பெண்ணின் வீட்டிற்கு இறங்கினார்.
கயிறு மூலம் கீழே இறங்கிய வீரர், ஜன்னலில் அமர்ந்திருந்த அந்த பெண்ணை உதைத்து வீட்டிற்குள் தள்ளினார். இதையடுத்து அந்த பெண் தற்கொலை செய்வதில் இருந்து காப்பாற்றப்பட்டார்.
இந்த சம்பவம் தொடர்பான வீடியோ இணையத்தில் வைரலாகி வரும் நிலையில் பெண்ணின் உயிரை காப்பாற்றிய தீயணைப்புத்துறை வீரருக்கு பாராட்டுகள் குவிந்து வருகிறது.
