உலகின் மொத்த நாடுகளையும் பார்வையிட்டு சாதனை படைத்த பெண் : எத்தனை நாளில் தெரியுமா?

 
உலகில் உள்ள மொத்த நாடுகளையும் வெறும் 18 மாதங்கள், 26 நாட்களில் பார்வையிட்ட முதல் பெண் என்ற சாதனையை கேசி டி பிகோல் (27) என்பவர் படைத்துள்ளார்.

அமெரிக்காவின் Connecticut மாகாணத்தை சேர்ந்த கேசி கடந்த 2015-ஆம் ஆண்டு யூலை மாதம் சர்வதேச சுற்றுலா மூல அமைதி நிறுவனத்தின் தூதராகவே உலக நாடுகளை பார்வையிட தொடங்கினார்.

கடைசியாக 196வது நாடாக கடந்தாண்டு 2ஆம் திகதி ஏமனை கேசி பார்வையிட்டார். இதன் மூலம் மூன்று ஆண்டுகள், மூன்று மாதங்களில் எல்லா நாடுகளையும் பார்வையிட்டவரின் பழைய சாதனையை கேசி முறியடித்தார். இதன்மூலம் கேசியின் பெயர் கின்னஸ் சாதனை புத்தகத்தில் இடம்பெற்றுள்ளது.

இந்த நெடும் பயணத்தில் 225 விமானங்களில் ஏறியுள்ள கேசி 50-க்கும் மேற்பட்ட நாடுகளில் செடிகளை நட்டுள்ளார். ஒவ்வொரு நாட்டிலும் கேசி 2-லிருந்து 5 நாட்கள் வரை தங்கியிருக்கிறார்.

கேசி கூறுகையில், விசாக்களைப் பாதுகாக்க முயற்சிக்கும் தருணங்கள் தான் உலக நாடுகளை பார்வையிடும் போது கடினமாக இருந்தது.

குழந்தைகளை பராமரிக்கும் பணி செய்து கேசி $10,000 பணம் சேர்த்து வைத்திருந்தார். அதே போல $198,000 பணம் பல்வேறு அனுசரணையாளர்கள் மூலம் கேசிக்கு கிடைத்துள்ளது. இந்த பணத்தை வைத்தே உலக நாடுகளை கேசி பார்வையிட்டுள்ளார்.