இங்கிலாந்து அணியின் முன்னணி வேகப்பந்து வீச்சாளர் ஜேம்ஸ் ஆண்டர்சன் டெஸ்ட் கிரிக்கெட் போட்டியில் அதிக விக்கெட்டுக்கள் வீழ்த்திய முதல் இங்கிலாந்து வீரர் என்ற பெருமையை பெற்றுள்ளார்.
பல்வேறு சாதனைகளைப் படைத்துள்ள இவர் தற்போது, டெஸ்ட் போட்டியில் அதிக பந்துகளை வீசிய முதல் வேகப்பந்து வீச்சாளர் என்ற சாதனையைப் படைத்துள்ளார்.
இதற்கு முன் வெஸ்ட் இண்டீஸ் அணியின் கார்ட்னி வால்ஷ் 30,019 பந்துகள் வீசி சாதனைப் படைத்திருந்தார். வால்ஷ் கிரிக்கெட்டில் 519 விக்கெட்டுக்களை வீழ்த்தியுள்ளார்.
ஆண்டர்சன் நியூசிலாந்திற்கு எதிரான 2 ஆவது டெஸ்டில் 50 ஓவர்கள் வீசினார். இதன்மூலம் 30,074 பந்துகள் வீசி வால்ஷ் சாதனையை முறியடித்துள்ளார். ஆண்டர்சன் 136 டெஸ்டில் 531 விக்கெட்டுக்கள் வீழ்த்தியுள்ளார்.
ஒட்டுமொத்தமாக முத்தையா முரளீதரன் அதிக பந்துகள் வீசி முதல் இடத்தில் உள்ளார். இவர் 44039 பந்துகள் வீசி 800 விக்கெட்டுக்கள் சாய்த்துள்ளார்.
