உலகின் முதல் ஆணுறுப்பு மாற்று அறுவை சிகிச்சை வெற்றிகரமாக அமெரிக்காவில் மேற்கொள்ளப்பட்டுள்ளது. ஆப்கானிஸ்தானில் நடந்த குண்டுவெடிப்பு சம்பவத்தில் பாதிக்கப்பட்ட முன்னாள் இராணுவ வீரர் ஒருவர் அமெரிக்காவின் மேரிலாந்தில் உள்ள Johns Hopkins என்ற மருத்துவமனையில் சிகிச்சைக்காக அனுமதிக்கப்பட்டிருந்தார்.
இவரது ஆணுறுப்பு பாதிப்படைந்திருந்தால் அவருக்கு அறுவை சிகிச்சை செய்யப்பட்டுள்ளது. ஒன்பது பிளாஸ்டிக் அறுவைசிகிச்சை மற்றும் இரண்டு சிறுநீரக அறுவை சிகிச்சை குழுவினர் ஒன்றிணைந்து சுமார் 14 மணிநேரம் ஆணுறுப்பு மற்றும் விதைப்பை மாற்று அறுவை சிகிச்சையை வெற்றிகரமாக செய்து முடித்துள்ளனர்.
உலகின் முதல் ஆணுறுப்பு மாற்று அறுவை சிகிச்சை இதுவாகும். தற்போது, நோயாளி நலமுடன் இருக்கிறார், ஆனால் சிறிது நாட்கள் மருத்துவ கண்காணிப்பில் வைக்கப்பட்டு, அதன்பின்னரே அவரை நாங்கள் வீட்டுக்கு அனுப்புவோம் என மருத்துவர்கள் தெரிவித்துள்ளனர்.
இந்த அறுவை சிகிச்சையால் தனக்குள் நம்பிக்கை ஏற்பட்டிருப்பதாக இராணுவ வீரர் தெரிவித்துள்ளார்.
