ஜப்பானைச் சேர்ந்த மொடல் ஒருவர், 47 வயதில் 20 வயது பெண் போன்ற தோற்றத்தில் இருப்பது ஆச்சரியத்தை ஏற்படுத்தியுள்ளது.
ஜப்பான் நாட்டைச் சேர்ந்தவர் ரைஸா ஹிராகோ. இவர் அந்நாட்டின் புகழ்பெற்ற மொடலாக இருக்கிறார். 47 வயதாகும் ரைஸா, தனது புகைப்படங்களை இன்ஸ்டாகிராம் பக்கத்தில் பதிவிட ஆரம்பித்தார்.
இவரது புகைப்படங்களை பார்த்தவர்கள் பலர் ரசிகர்களாக மாறினர். குறிப்பாக, மேற்கத்திய நாடுகளில் இருந்து ஏராளமான ரசிகர்கள் இவருக்கு குவிய தொடங்கினர். அதற்கு காரணம் இவரது இளமையான தோற்றம் தான்.
20 வயது பெண் போன்ற தோற்றத்தில் இருந்த ரைஸாவைப் பார்த்து ரசிகர்களானவர்கள், அவரைப் பற்றி மேலும் தெரிந்துகொள்ள தகவல்களைத் தேடியபோது, இவரின் உண்மையான வயதான 47-ஐ அறிந்து ஆச்சரியமடைந்தனர்.
அதனைத் தொடர்ந்து, கடந்த 2016ஆம் ஆண்டு சர்வதேச ஊடகங்களில் ரைஸாவைப் பற்றிய செய்திகள் வெளிவந்தன. அப்போது ரைஸாவை இன்ஸ்டாகிராமில் பின் தொடர்ந்தவர்களின் எண்ணிக்கை 90 ஆயிரமாக இருந்தது.
அதன் பிறகு 2 லட்சமாக உயர்ந்தது. தற்போது இவரை சுமார் 2,22,000 பேர் பின் தொடர்ந்து கொண்டிருக்கின்றனர்.
தனது இளமையின் ரகசியம் குறித்து ரைஸா ஹிராகோ கூறுகையில், ‘தோல் சிகிச்சை, உணவுக் கட்டுப்பாடு, உடற்பயிற்சி, ஆரோக்கியமான வாழ்க்கை முறைதான் என் இளமைக்கு காரணமா? என்று எல்லோரும் கேட்கின்றனர்.
இவை எல்லாவற்றையும் விட என்னுடைய மரபணுதான் இளமைக்கு காரணமாக இருக்க முடியும்’ என தெரிவித்துள்ளார்.
