வவுனியா கோவில்குளம் அகிலாண்டேஸ்வரி அம்பாள் இரதோற்சவம் -(படங்கள்,வீடியோ)

472


பாடல் பெற்ற சிவகுகஸ்தலங்கள் நிறைந்த இலங்கா தீபத்தின் வடபால் வவுனியா கோவில்குளம் திவியசேத்திரத்தில் அடியார்கள் வேண்டியதை அருளும் அருள்மிகு ஸ்ரீ அகிலாண்டேஸ்வரி அம்பாளுக்கு ஒன்பதாம் நாள் நாள் திருவிழாவான  இரதோற்சவ நிகழ்வு கடந்த  12.08.2018  காலை 9.30 மணியளவில் இடம்பெற்றது.


அதிகாலை ஐந்து மணிக்கு யாகபூசை கும்பபூசை மூலஸ்தான பூசை கொடிதம்ப பூசையை தொடர்ந்து காலை எட்டு மணியளவில் வசந்த மண்டப பூஜை இடம்பெற்று அம்பாள் ஒன்பது நாற்பத்தைந்து மணியளவில் தேரில் ஆரோகணித்து சரியாக பத்து மணியளவில் ரதபவனி ஆரம்பமானது.மீண்டும் பத்தரை மணிக்கு தேர் இருப்பிடத்தை வந்தடைந்தது. மேற்படி இரதோற்சவதில் நூற்றுக்கணக்கான அம்பாள் பக்தர்கள் கலந்துகொண்டிருந்தனர்.