மூத்த திரைப்பட நடிகர் மரணம் : குடும்பத்தால் கைவிடப்பட்டு வீதியில் திரிந்த பரிதாபம்!!

325


பிரபல மூத்த திரைப்பட நடிகர் சதாசிவா பிரம்மவர் தனது 90வது வயதில் காலமானார். 150க்கும் அதிகமான கன்னட திரைப்படங்களில் குணச்சித்தர வேடங்களில் நடித்துள்ள சதாசிவா விஷ்னுவர்தன், அம்பிரீஷ், சுதீப், தர்ஷன் போன்ற முன்னணி கதாநாயகர்களுடன் இணைந்து நடித்துள்ளார்.



சதாசிவா கடந்தாண்டு குடும்பத்தினரால் கைவிடப்பட்ட நிலையில் சாலையில் சுற்றி திரிந்தது பரபரப்பை ஏற்படுத்தியது. இதன்பின்னர் பொதுமக்கள் அவருக்கு உணவு மற்றும் தங்க இடம் அளித்த நிலையில் மீண்டும் அவர் குடும்பத்தினருடன் ஒன்று சேர்ந்தார்.

இந்நிலையில் வயது முதிர்வு நோய்கள் காரணமாக பெங்களூரில் உள்ள தனியார் மருத்துவமனையில் அனுமதிக்கப்பட்டிருந்த சதாசிவா சிகிச்சை பலனின்றி மரணமடைந்தார். அவரின் மரணத்துக்கு திரையுலகினர் இரங்கல் தெரிவித்துள்ளனர்.