ஆசியா 2018 பரா விளையாட்டில் தங்கப்பதக்கம் பெற்று இலங்கைக்கு பெருமை சேர்த்த வவுனியா – பொகஸ்வெவ பகுதியைச் சேர்ந்த சரித்த நிர்மல புத்திக்க இந்திரபால கௌரவிக்கப்பட்டுள்ளார்.
வடமாகாணசபை உறுப்பினர் தர்மபாலா செனவித்தினாவின் மூன்றுமுறிப்பு அலுவலகத்திலிருந்து இன்று காலை அவருடைய பொகஸ்வெவ பகுதிக்கு வாகனப் பேரணியாக அழைத்துச் செல்லப்பட்டுள்ளார்.
இந்தோனேசியா, ஜகார்த்தாவில் இடம்பெற்ற ஆசியா 2018 பரா விளையாட்டில் நீளம் பாய்தலில் தங்கப்பதக்கம், 200 மீற்றர் ஓட்டத்தில் பிறன்ஸ் பதக்கத்தையும், உயரம் பாய்தலில் 5ஆவது இடத்தினையும் பெற்று இலங்கைக்குப் பெருமை சேர்த்துள்ளார்.
இவரை கௌரவிக்கும் நிகழ்வில் கிராம மக்கள் கலந்துகொண்டு வாகனப் பேரணியாக குறித்த இளைஞனை பாடசாலைக்கு அழைத்துச் சென்று கௌரவிப்பு செய்துள்ளனர்.
இதேவேளை, கடந்த 2016ஆம் ஆண்டு டுபாய் நாட்டில் நடைபெற்ற ஆசிய விளையாட்டில் 100, 200 மீற்றர் ஓட்டம், உயரம் பாய்தலில் பங்கு பற்றி பதக்கங்களை பெற்று வெற்றி வாகை சூட்டியிருந்தார் என்பது குறிப்பிடத்தக்கது.
