15 வயது மகளை 40 வயது நண்பருக்கு திருமணம் செய்து வைத்த தந்தை : அதிர்ச்சிப் பின்னணி!!

636


ஐக்கிய அரபு அமீரகத்தில் 15 வயது மகளை 40 வயது நண்பருக்கு தந்தை கட்டாய திருமணம் செய்து வைத்த நிலையில் மகள் கர்ப்பமாகியுள்ளார்.



Al Ain நகரை சேர்ந்த நபர் ஒருவருக்கு 15 வயதில் மகள் உள்ளார். இந்நிலையில் தனது மகளை 40 வயதான தனது நண்பருக்கு திருமணம் செய்து வைக்க அவர் முடிவெடுத்தார். 40 வயதான நபர் அதிக வரதட்சணை கொடுப்பேன் என உறுதி கொடுத்ததால் இந்த அதிர்ச்சி முடிவை எடுத்தார் தந்தை.

இந்த முடிவை சிறுமியின் தாய் எதிர்த்தும் பயனில்லை. இதையடுத்து சிறுமியின் விருப்பதையும் மீறி 40 வயதான நபருடன் அவருக்கு திருமணம் நடைபெற்றது.



இந்நிலையில் சில மாதங்கள் கணவருடன் வாழ்ந்த சிறுமி, அவருடன் தனது வாழ்க்கை மகிழ்ச்சியாக இல்லை எனவும், கணவர் தன்னை தவறாக நடத்துகிறார் எனவும் பெற்றோரிடம் கூறியுள்ளார்.



இதையடுத்து மகளை நன்றாக கவனித்து கொள்ளும்படி மாப்பிள்ளையிடம் அறிவுறுத்தினார் தந்தை. இந்நிலையில் தனது 15 வயது மனைவியை அவர் பெற்றோர் வீட்டில் கொண்டு விட்டுள்ளார் கணவன். பின்னர் மனைவி கர்ப்பமாக இருப்பதை அறிந்து மீண்டும் தன்னுடன் வர அழைத்துள்ளார்.


ஆனால் சிறுமியின் தந்தை இதற்கு ஒப்பு கொள்ளாத நிலையில் நீதிமன்றத்தில் தனது மகளுக்கு விவாகரத்து கோரினார். இதையடுத்து சிறுமிக்கு விவாகரத்து வழங்கப்பட்டு நீதிமன்றம் தீர்ப்பளித்தது. ஆனாலும் 15 வயது மகளை திருமணம் செய்து வைத்த குற்றத்துக்காக தந்தை மீது குற்றவியல் நீதிமன்றத்தில் வழக்கு போடப்பட்டுள்ளது.