வவுனியாவில் உலக எயிட்ஸ் தினத்தினை முன்னிட்டு வாகன விழிப்புணர்வுப் பேரணி!!

478


உலக எயிட்ஸ் தினம் மார்கழி மாதம் 1ம் திகதி உலக ரீதியில் அனுஸ்டிக்கப்பட்டு வருகின்ற நிலையில் உலக எயிட்ஸ் தினத்தினை முன்னிட்டு மக்களுக்கு விழிப்புணர்வுட்டும் வாகன விழிப்புணர்வு பேரணி இன்று (01.12.2018) காலை 11.30 மணியளவில் வவுனியா மாவட்ட பொது வைத்தியசாலையில் வவுனியா மாவட்ட பாலியல் நோய் தடுப்பு வைத்திய அதிகாரி வைத்தியர் கு.சந்திரகுமார் தலைமையில் இடம்பெற்றது.

வவுனியா மாவட்ட அரசாங்க அதிபர் எம்.ஹனீபா கலந்து கொண்டு விழிப்புணர்வு பேரணியினை ஆரம்பித்து வைத்தார்.



வவுனியா மாவட்ட முச்சக்கரவண்டி உரிமையாளர்கள் சங்கம் , சுகாதார திணைக்கள உத்தியோகத்தர்கள், வவுனியா போக்குவரத்து பொலிஸாரின் அனுசரணையுடன் வவுனியா மாவட்ட பொது வைத்தியசாலைக்கு முன்பாக ஆரம்பமான வாகன விழிப்புணர்வு பேரணியானது,

மன்னார் வீதியூடாக வந்து புகையிரத நிலைய வீதியூடாக வவுனியா மணிக்கூட்டு கோபுர சந்தியினை வந்தடைந்து பஜார் வீதியூடாக ஹொரவப்பொத்தானை வீதியுடாக வவுனியா மாவட்ட பொது வைத்தியசாலையினை வந்தடைந்தது.