அடுத்த தலைவர் இவர்தான்
விராட் கோஹ்லி குறைந்த பட்ச ஓவர் கிரிக்கெட்டில் அணித்தலைவர் பதவியை விட்டுக்கொடுக்கும் நேரம் வந்துவிட்டதாக உள்நாட்டு வீரரும் முன்னாள் இந்திய சர்வதேச வீரருமான வாசிம் ஜாஃபர் பரிந்துரைத்துள்ளார்.
இந்திய அணித்தலைவராக ரோகித்தை நியமனம் செய்யுங்கள் என்று மறைமுகமாக டெஸ்ட் அணி முன்னாள் வீரர் வாசிம் ஜாஃபர் கோரி இருக்கிறார். இது தொடர்பாக டுவிட்டரில் அவர் ஒரு பதிவை வெளியிட்டு உள்ளார்.
இந்திய ஒருநாள் அணித்தலைவர் பொறுப்பை ரோகித் சர்மாவிடம் ஒப்படைக்கும் நேரம் வந்துவிட்டதா?, 2023ம் ஆண்டு உலக கோப்பையில் ரோகித் சர்மா இந்திய அணியை வழிநடத்த நான் விரும்புகிறேன் என்று கூறியுள்ளார்.வாசிம் ஜாஃபரின் கருத்து இந்திய கிரிக்கெட்டில் ஒரு விவாதத்தை தொடங்கியுள்ளது.
மேலும், ரோகித் மற்றும் பும்ரா போன்ற உறுதியான திறன்கள் அடிப்படையில் அணியில் இடம் பிடித்தவர்களைத் தவிர்த்து, கோஹ்லி மற்றும் பயிற்சியாளர் ரவி சாஸ்திரி ஆகியோரால் விரும்பப்படும் வீரர்களை மட்டுமே இந்திய அணி கொண்டுள்ளது என்று ஒரு டைனிக் ஜாக்ரான் அறிக்கை கூறுகிறது.
