அப்பா வயதுடையவரை மணந்த இளம்பெண்
தன்னை விட 27 வயது மூத்த நபரை மணந்த அமெரிக்க இளம்பெண், தங்களை எல்லோரும் தவறாகவே புரிந்து கொள்வதாக வருத்தப்படுகிறார். Marylandஐச் சேர்ந்த Tori Barron (21) என்னும் இளம்பெண்ணும், Eddie Smith (48) என்பவரும் karaoke பார் ஒன்றில் சந்தித்துக் கொண்டார்கள்.
இருவர் கண்களும் சந்தித்துக் கொள்ள கண்டதும் காதல் உருவானது இருவருக்கும். இசை விரும்பிகளான இருவரும் தங்கள் நண்பர்களுடன் இரண்டு குழுக்களாக ஒரு karaoke பாருக்கு சென்றபோது சந்தித்திருக்கிறார்கள்.
அதில் Toriயின் குழுவில் இருந்த ஒரு ஆணுக்கும் அவர் மீது ஒரு கண் இருந்த நிலையில், Eddie மோசமானவர் என்றும், அவர் Toriயின் உடல் மீதுள்ள ஆசையினால்தான் அவரை விரும்புவது போல் நடிக்கிறார் என்றும் கூறி இருவரையும் பிரிக்கப் பார்த்திருக்கிறார்.
என்றாலும் Eddie தன் மீது வைத்திருக்கும் அன்பு உண்மையானது என்று அறிந்த Tori, தங்களைப் பிரிக்க முயன்ற நபரை அறவே ஒதுக்கியிருக்கிறார். பல சந்திப்புகளுக்குப்பின் இருவரது விருப்பங்களும் ஒரே போல் இருக்க, இறுதியாக இருவரும் திருமணம் செய்து கொண்டுள்ளார்கள்.
ஆரம்பத்தில் பலத்த எதிர்ப்பு இருந்தாலும் பின்னர் ஒருவழியாக எல்லாம் சரியாகி தாங்கள் இணைந்து வாழத் தொடங்கி விட்டாலும், ஜோடியாக வெளியே சுற்றும் விருப்பம் உடைய இருவருக்கும் ஒரு புதுப் பிரச்சினை ஏற்பட்டுள்ளது. இருவரையும் பார்ப்பவர்கள் அவர்களை தந்தையும் மகளும் என்றே நினைத்து விடுகிறார்களாம்.
தாங்கள் இருவரும் கணவனும் மனைவியும் என்று சொல்லி சொல்லி போரடித்துப் போய், இப்போதெல்லாம் அதைப் பற்றி தாங்கள் கவலைப்படுவதில்லை என்றாலும், மக்கள் மட்டும் இன்னும் தங்களை தவறாகவே புரிந்து கொள்கிறார்கள் என்கிறார் Tori. ஒரு பெண், ஒரு படி மேலே போய், அவர் உன் சுகர் டாடியா என்று வேறு கேட்டிருக்கிறார்.
எங்கள் உறவைக் குறித்து யார் வேண்டுமானாலும், என்ன வேண்டுமானாலும் சொல்லட்டும், அப்படிச் சொல்பவர்களிடம், இது என் வாழ்க்கை, உங்கள் வாழ்க்கை அல்ல, உங்கள் வேலையைப் பாருங்கள், ஒத்த வயதுடைய தம்பதியரைப் போலவே நாங்களும் ஒருவரை ஒருவர் நேசிக்கும் சாதாரணமான ஒரு தம்பதி என்று சொல்கிறேன் என்கிறார் Tori.