ரஜினி நடித்த தளபதி, பாக்யராஜ் நடித்த இது நம்ம ஆளு உள்பட ஏராளமான படங்களில நடித்தவர் ஷோபனா.
இரண்டு முறை தேசிய விருது பெற்ற ஷோபனா, தமிழ் மட்டுமின்றி மலையாளத்திலும் நிறைய படங்களில் நடித்துள்ளார்.
இந்நிலையில் தனக்கான தனக்கான சினிமா வாய்ப்பு குறைந்ததும், அமெரிக்கா சென்று பரத நாட்டிய பள்ளி நடத்தி வந்தார்.
பின்னர் அதேபோன்ற நாட்டிய பள்ளியை சென்னையில் தொடங்கி நடத்தி வருகிறார்.
மேலும் திருமணமே செய்து கொள்ளாத ஷோபனா, அனந்த நாராயணி என்றொரு பெண் குழந்தையை தத்தெடுத்து வளர்த்து வருகிறார்.
இந்நிலையில், சிம்பு நடித்த போடா போடி படத்தில் அப்பட நாயகியான வரலட்சுமிக்கு அம்மாவாக சினிமாவில் மீண்டும் பிரவேசித்த ஷோபனா, இப்போது ரஜினியின் கோச்சடையான் படத்தில் ஒரு முக்கியத்துவம் வாய்ந்த வேடத்தில் நடித்துள்ளார்.
இப்படம் தனக்கு சினிமாவில் பெரிய என்ட்ரியை கொடுக்கும் என்று சொல்லும் அவர், தெலுங்கில் மகேஷ்பாபுவுக்கு அம்மாவாக ஒரு வேடத்தில் நடித்து வருகிறார்.
இதையடுத்து பரவலாக நடிக்க ஆசைப்படும் ஷோபனா, வெயிட்டான வேடங்களுக்கு முக்கியத்துவம் கொடுத்து நடிக்கப்போகிறாராம்.
குறிப்பாக, அம்மா வேடமாக இருந்தாலும் கவலையில்லையாம். கதாநாயகியாக சினிமாவில் பெரிய ரவுண்டு வந்ததுபோல் அம்மாவாகவும் ஒரு ரவுண்டு வருவேன் என்கிறாராம் ஷோபனா.
