வவுனியாவைச் சேர்ந்த மூவர் தேசிய இளைஞர் விளையாட்டுப் போட்டியில் பதக்கம் வென்று சாதனை!!

 
தேசிய இளைஞர் சேவைகள் மன்றம் நடாத்தும் 28வது தேசிய இளைஞர் விளையாட்டுப் போட்டிகள் பதுளை வின்சன் டயஸ் மைதானத்தில் இடம்பெற்று வருகின்றனர்.

இவ் விளையாட்டுப் போட்டியில் இன்று (25.09.2016) காலை இடம்பெற்ற 20 வயதிற்கு உட்பட்ட 5000 மீற்றர் வேகநடைப் போட்டியில் வவுனியா பூம்புகாரைச் சேர்ந்த கே.குகனேஸ்வரி தங்கப் பதக்கத்தை தட்டிச் சென்றார்.

மேலும் 20 வயதிற்கு மேற்பட்ட 5000 மீற்றர் ஓட்டப் போட்டியில் வவுனியா சுந்தரபுரத்தைச் சேர்ந்த ஆர்.சாளினி மூன்றாமிடம் பெற்றுள்ளார்.

இதேவேளை கடந்த 23ம் திகதி இடம்பெற்ற 10000 மீட்டர் ஓட்டத்தில் வவுனியா கூமாங்குளத்தை சேர்ந்த கே.நவநீதன் இரண்டாமிடத்தை பெற்று சாதனை படைத்துள்ளார்.