கடந்த வருட பிற்பகுதியிலிருந்து வவுனியா பொது வைத்தியசாலைக்கு வெளிமாவட்டங்களிலிருந்து குறிப்பாக பதவியா, ஹெப்பிட்டிகொல்லாவ, தமுத்தேகம, அனுராதபுரம் போன்ற பகுதிகளிலுள்ள பெரும்பான்மை இனத்தவர்கள் சிகிச்சைக்கு வந்து செல்வதைக்காணக்கூடியதாக உள்ளது.
வவுனியா வைத்தியசாலைக்கு வருவதற்கு அதிக நேரம் எடுத்தாலும் உடனடியாக வந்து சிகிச்சை பெற்றுச் செல்வதற்கு வசதியாக உள்ளதாகவும் அனுராதபுரம் வைத்தியசாலைக்குச் சென்றால் வைத்தியர் வரும்வரை காத்திருக்கவேண்டியுள்ளதாகவும் நீண்ட வரிசையிலிருந்து மருந்து எடுத்துக் கொண்டு வீடு செல்ல பல மணிநேரம் செல்வதாகவும்,
வவுனியாவிற்கு வந்தால் உடனடியாக வைத்தியரை பார்வையிட்டு தமக்கான சிகிச்சைகளை பெற்றுக்கொண்டு உடனடியாக செல்வதற்கு சந்தர்ப்பம் உள்ளதால் வவுனியாவிற்கு வந்து சிகிச்சை பெற்றுவருதாகவும் இதனால் தமக்கு அதிக நேரம் மிகுதியாக இருப்பதாகவும், வவுனியா வைத்தியசாலையில் அதிகளவான பெரும்பான்மை இனத்தவர்கள் பணிபுரிவதால் மொழி ரீதியில் எவ்வித தாமதமும் ஏற்படுவதில்லை என்று வெளிமாவட்டங்களிலிருந்து வவுனியா வைத்தியசாலைக்கு வரும் நோயாளர்கள் தெரிவித்துள்ளனர்.
