முதலாவது ஒருநாள் போட்டியில் இந்திய அணி அபார வெற்றி!!

 

இங்கிலாந்து அணியுடனான ஒருநாள் சர்வதேச கிரிக்கெட் தொடரின் முதல் போட்டியில் இந்திய அணி 3 விக்கெட்களால் வென்றது.

புனே நகரில் நேற்று நடைபெற்ற இப்போட்டியில் முதலில் துடுப்பெடுத்தாடிய இங்கிலாந்து 50 ஓவர்களில் 7 விக்கெட் இழப்புக்கு 350 ஓட்டங்களைக் குவித்தது. ஜோ ரூட் 78 ஓட்டங்களைப் பெற்றார்.

பதிலுக்குத் துடுப்பெடுத்தாடிய இந்திய 11.5 ஓவர்களில் 63 ஓட்டங்களுடன் 4 விக்கெட்களை இழந்தது.

எனினும், அணித்தலைவர் விராட் கோஹ்லி 122 ஓட்டங்களையும் கேதார் ஜாதவ் 72 பந்துகளில் 120 ஓட்டங்களையும் குவித்து தமது அணியை பலப்படுத்தினர்.

இந்திய அணி 48.1 ஓவர்களில் 7 விக்கெட் இழப்புக்கு 356 ஓட்டங்களைக் குவித்தது.

பின்வரிசை வீரர் ஹர்திக் பாண்டியா 37 பந்துகளில் ஆட்டமிழக்காமல் 40 ஓட்டங்களைப் பெற்றார். ரவிச்சந்திரன் அஸ்வின் 10 பந்துகளில் ஆட்டமிழக்காமல் 15 ஓட்டங்களைப் பெற்றார்.