அமலாபால் தற்போது தனுஷுடன் வேலையில்லா பட்டதாரி 2, வடசென்னை படங்களில் ஜோடியாக நடிக்கிறார். இதுபற்றி கேட்ட போது அமலாபால் பின்வருமாறு தெரிவித்தார்..
தனுஷ் ஜோடியாக வேலையில்லா பட்டதாரி திரைப்படத்தில் நடித்தேன். இப்போது அதன் 2வது பாகத்திலும் நாங்கள் சேர்ந்து நடிக்கின்றோம். தனுஷ் எனக்கு பிடித்த நடிகர். அவரிடம் பலவித திறமைகள் இருக்கின்றன.
கதை மற்றும் கதாபாத்திரங்களை கவனமாக தேர்வு செய்வார். தனுஷ் படங்கள் என்றால் அவர் நினைவுக்கு வரமாட்டார். அவரது கதாபாத்திரங்கள் தான் கண்முன் நிற்கும். எந்த கதாபாத்திரத்தை கொடுத்தாலும் திறமையாக நடித்துவிடுவார்.
தனுஷ் நடிக்கும் வட சென்னை திரைப்படத்தில் வடசென்னை பெண்ணாக வருகின்றேன். சவாலான வேடம். அது ஒரு காலகட்டத்தில் நடக்கும் படமாக தயாராகின்றது. கதை கேட்டதும் இரண்டு நாட்கள் அந்த பாத்திரமாகவே மாறிவிட்டேன்
ஹிந்தி ‘குயின்’ திரைப்படம் மலையாளத்தில் ரீமேக் ஆகின்றது. ரேவதி இயக்கும் இந்த படத்தில் நான் நடிப்பது மகிழ்ச்சியாக இருக்கின்றது. அவர் எனக்கு பிடித்த நடிகை. சிறுவயதில் அவரைப் பார்த்து தான் வளர்ந்து இருக்கின்றேன். இது தவிர திருட்டுப்பயலே இரண்டாம் பாகத்திலும் நடிக்கின்றேன்.
நாங்கள் பிரிந்து விட்டாலும் விஜய் இப்போதும் எனக்கு பிடித்தவர். நாங்கள் ஒருவர் மற்றவரிடம் இருந்து அற்புதமான விடயங்களை கற்று இருக்கின்றோம். நான் சினிமாவை மிகவும் நேசிக்கின்றேன். எனக்கு பிடித்தமானது நடிப்பு. சினிமாவில் நடிப்பதற்காகவே வாழ்கின்றேன்.
எதிர் காலத்தில் தொழிலதிபராவேன். சென்னையில் ஹோட்டல் தொடங்குவேன். அங்கு யோகா, தியானப் பயிற்சி அளிக்க ஏற்பாடு செய்வேன் என்று தெரிவித்தார்.
