பாகுபலி – 2 ட்ரெய்லர் நேற்று முன்தினம் (16) இந்தி, தெலுங்கு, தமிழ், மலையாளம் ஆகிய மொழிகளில் வெளியானது. இது யூடியூப்பில் வெளியிடப்பட்ட சில மணி நேரங்களிலேயே மிகப்பெரிய சாதனை படைத்துள்ளது.
இந்த ட்ரெய்லர் வெளியாகி 24 மணி நேரத்தில் தெலுங்கு, இந்தி, தமிழ், மலையாளம் ஆகிய 4 மொழிகளையும் சேர்த்து 5 கோடி பேர் பார்வையிட்டுள்ளனர்.
இதற்கு 4 மொழிகளிலும் இலட்சக்கணக்கான லைக்குகளும் ஆயிரத்திற்கும் அதிகமான கமெண்ட்களும் பதிவாகியுள்ளன.
இது இந்திய திரை உலகின் மிகப்பெரிய சாதனையாகக் கருதப்படுகிறது.
ஏற்கனவே, இந்தியில் ஷாருக்கான் நடிப்பில் வெளிவந்த ‘Raees’ படம்தான் 24 மணி நேரத்தில் 2 கோடிக்கும் அதிகமான பேர் பார்வையிட்டது சாதனையாக இருந்தது. அந்த சாதனையை தற்போது பாகுபலி – 2 முறியடித்துள்ளது.
தொடர்ந்து பார்வையாளர்களின் எண்ணிக்கை அதிகரித்துக்கொண்டே இருக்கிறது. இது பல கோடியைக் கடக்கும் என்று எதிர்பர்க்கப்படுகிறது.
இப்படத்தை எஸ்.ராஜமௌலி இயக்கியுள்ளார். பிரபாஸ், ராணா டகுபதி, அனுஷ்கா, தமன்னா, ரம்யா கிருஷ்ணன், நாசர் உள்ளிட்டோர் நடித்துள்ளனர்.
