முன்னணி வீடியோ பகிரும் தளமாக திகழும் யூடியூப் ஆனது பயனர்களுக்கு மட்டுமின்றி வீடியோக்களை தரவேற்றம் செய்பவர்களுக்கும் பல வசதிகளை வழங்கியுள்ளது. அதில் ஒன்றுதான் ஏனைய வீடியோக்கள் தொடர்பில் குறித்த வீடியே ஒன்றின் மீது விளம்பரம் செய்தல் ஆகும்.
இவ் வசதி வீடியோக்களை தரவேற்றம் செய்பவர்களுக்கு பெரும் வரப்பிரசாதமாக காணப்படுகின்ற போதிலும், ஏனைய பயனர்களுக்கு சற்று அசௌகரியமானதாகவே இருக்கின்றது.
இதனைக் கருத்தில் கொண்டு அவ் வசதியினை முற்றாக நீக்குவதற்கு தீர்மானிக்கப்பட்டுள்ளது. இதன்படி எதிர்வரும் மே மாதம் 2ம் திகதியிலிருந்து குறித்த வசதியினை வீடியோக்களை தரவேற்றம் செய்பவர்கள் பயன்படுத்த முடியாது என தெரிவிக்கப்பட்டுள்ளது.
ஆனாலும் வீடியோ ஒன்றின் முடிவில் பிறிதொரு வீடியோ தொடர்பான விளம்பரம் அல்லது மாற்றமடையக்கூடிய மேல் விளம்பரங்களை (Dynamic Overlays) உட்புகுத்த முடியும்.
