இலங்கை – இந்திய அணிகளுக்கிடையிலான மூன்று போட்டிகள் கொண்ட இருபதுக்கு T20 தொடரின் இரண்டாவது போட்டி இன்று இரவு 7 மணிக்கு நடைபெறவுள்ளது.
முதல் போட்டியில் அடைந்த தோல்விக்கு பதிலடி கொடுத்து தொடரை இழக்காமல் இருக்க இன்றைய போட்டியில் இலங்கை அணி நிச்சயம் வென்றாக வேண்டிய கட்டாயத்தில் உள்ளது.
இந்நிலையில் இந்தியாவின் கட்டக் நகரில் நேற்றுமுன்தினம் இரவு நடைபெற்ற இலங்கைக்கு எதிரான முதலாவது T20 போட்டியில் 93 ஓட்டங்கள் வித்தியாசத்தில் இந்திய அணி அபார வெற்றி பெற்றது.
இலங்கைக்கு எதிராக 93 ஓட்டங்கள் வித்தியாசத்தில் பெற்ற வெற்றியானது இருபதுக்கு 20 கிரிக்கெட் வரலாற்றில் இந்தியா பெற்ற மிகப்பெரிய வெற்றியாகும்.
இதேபோல இலங்கை அணி சந்தித்த மோசமான தோல்வியும் இதுதான். இதற்கு முன்பு கடந்த ஆண்டு அவுஸ்திரேலியாவுக்கு எதிராக பல்லேகலை மைதானத்தில் 85 ஓட்டங்கள் வித்தியாசத்தில் தோற்றதே மோசமான நிலையாக இருந்தது.