அமெரிக்காவின் ஓக்லஹோமா நகரில் அமைந்துள்ள பொழுதுபோக்கு பூங்காவில் 100 அடி உயர roller-coaster ல் 8 பேர் சிக்கியுள்ள சம்பவம் பரபரப்பை ஏற்படுத்தியுள்ளது.ஓக்லஹோமா நகரில் அமைந்துள்ள இந்த பொழுதுபோக்கு பூங்காவில் Silver Bullet எனும் விளையாட்டில் சில பயணிகள் ஈடுபட்டு வந்துள்ளதாக கூறப்படுகிறது.அப்போது அந்த roller-coaster 100 அடி உயரத்தில் வந்தபோது பழுதானதாக கூறப்படுகிறது. இதனால் அந்த roller-coaster விளையாட்டில் ஈடுபட்ட 7 சிறுவர்கள் உள்ளிட்ட 8 பேர் சிக்கியுள்ளதாக கூறப்படுகிறது.
இதனையடுத்து 100 அடி உயரத்தில் சிக்கியுள்ள அந்த குழுவினரை மீட்கும் நடவடிக்கைகள் மேற்கொள்ளப்பட்டுள்ளதாக தெரிய வந்துள்ளது.பொழுதுபோக்கு பூங்காவின் நிர்வாகத்தினர் துரிதமாக செயல்பட்டு மீட்பு குழுவினருக்கும் அவசர ஊர்திக்கும் தகவல் தெரிவித்துள்ளனர்.roller-coaster விளையாட்டு பகுதியில் ஏற்பட்ட இச்சம்பவத்தை அடுத்து உடனடியாக எஞ்சிய விளையாட்டுகளையும் தற்காலிகமாக நிறுத்தி வைத்துள்ளனர்.இதனிடையே மீட்பு குழுவினர் அந்த roller-coaster ல் சிக்கியவர்களை ஒரு மணி நேர போராட்டத்திற்கு பின்னர் ஒவ்வொருவராக பத்திரமாக மீட்டுள்ளனர்.இச்சம்பவத்தில் எவருக்கும் காயம் எதுவும் ஏற்படவில்லை என மருத்துவக்குழுவினர் தெரிவித்துள்ளனர்.
